قصيدة هلي درو بية اني احبك : للشاعر عبد الحسين الحلفي ...
هلــــــــــــــــــي درو بية أني احبك
ودرو بــــــــــس أنت تلفتلي انتباهي
هلـــــــــــــي يدرون من تزاعل وياي
أظــــــــــــــل اصرخ رحمتك يا ألهـــي
هلــــــــي نشدوني عنك وقلت بالروح
ونشدوني على الروح وكَلت ماهي ؟؟
وأنـــــــــــــــــــت أهواي متغير هالايام
والــــــــــي براسك حكوا اني أعرفتهم
نــــــــــــــــفسهم همة أجوا وتقر بولي
دقوا بــــــــــــــــــــــــاب كَلبي وطردتهم
ليش لان أنت تقديرك فوك على الرأس
وأحطـــــــــــــــــهم وين اني لو قدرتهم
أنـــــــــــــــت ما تجي بس اني أشوفك
وهمـــــــــــــة شكد أجوا بس ماشفتهم
لأجــــــــــــــــل حالك أني بهذلت حالي
وحــــــــــــــالي ايكَول يلا المهم حالك
ودلالـــــــــــــــــــــك زاد زيد لي أذيتي
وأذيتـــــــــــــــي جمالة هم تحب دلالك
يــــــــــــــاشابع نوم والله اقراية قاريك
مـــــــــــــــدري شمالني وادري شمالك
قـــــــــــــــــــــالولك كبل عندي علاقات
وغــــــــيرك عاشق أني هواي اسأمي
اعشقت غيـــرك نعم بس تدري شلون
أعشقتـــــهم مو صدق واني بأحلامي
وانــــــــــي عندي قصد حبيت غيرك
حتـــــــــــــى امتلك خبرة في غرامي
صـــــــــار سنين احضر واقر لهواي
وصـــــــــار سنين احضر في كلامي
لان ميــــــــــــصير احبك مثل غيرك
وانــــــــــــــــي الضامك لآخر أيامي
أنــــــــــــي الحبيتهم كانوا بروفات
حتـــــــــــى أنت تظل مسك الختامي
عليك اطو طحت صاحي مو سكران
وانـــــــي أول محب سكران صاحي
دوام أهل الـــــــــمدارس وقت واحد
ودوامك بالقلب عصري وصباحي